Þarf öryrki að borga skatt af peningagjöfum?

Sæv­ar Þór Jóns­son lögmaður/​MBA svar­ar spurn­ing­um les­enda Smart­lands.
Hér fær hann spurn­ingu frá manni sem spyr út í pen­inga­gjaf­ir. 


Sæll!

Kær vin­ur sem bú­sett­ur er í USA vill styrkja ís­lensk­an vin sinn með pen­inga­upp­hæð. Þessi ís­lenski vin­ur er ör­yrki. Hver er há­marks­upp­hæð til milli­færslu án þess að borga þurfi skatt af styrkn­um?

Með kveðju, N


Sæv­ar Þór Jóns­son lögmaður rek­ur lög­manns­stof­una Sæv­ar Þór & Partners.


Sæll.

Meg­in­regl­an er að all­ir styrk­ir til ein­stak­linga telj­ast til skatt­skyldra tekna þeirra og í því skipt­ir ekki máli hvaðan styrk­ur­inn er kom­inn. Styrk­ir eru skattlagðir eins og launa­tekj­ur og bera tekju­skatt og út­svar, sam­kvæmt A-lið 7. gr. laga um tekju­skatt, nr. 90/​2003. Per­sónu­leg­ur kostnaður leyf­ist ekki til frá­drátt­ar.


Ef litið er á styrk­inn sem gjöf, er meg­in­regl­an sú að gjöf flokk­ast jafn­framt sem skatt­skyld­ar tekj­ur og ber tekju­skatt og út­svar, sam­kvæmt A-lið 7. gr. laga um tekju­skatt, nr. 90/​2003. Frá því er þó und­an­tekn­ing sem nær til verðlít­illa tæki­færis­gjafa. Ekki er ljóst hver mörk­in eru en ætla má að um sé að ræða verðmæti sem al­

mennt ger­ist um slík­ar gjaf­ir.


Að fram­an­greindu sögðu, skipt­ir ekki máli hvort pen­inga­fjár­hæðin sem til stend­ur að milli­færa sé kölluð styrk­ur eða gjöf, af henni ber að greiða skatta, ís­lensk­um lög­um sam­kvæmt.


Frá þessu er þó að finna nokkr­ar und­an­tekn­ing­ar, þ.á m. er varða söfn­un­ar­fé og styrki vegna veik­inda eða slysa. Það er háð því skil­yrði að fjár­mun­irn­ir gangi beint til þeirra sem safnað er fyr­ir. Hvað varðar fyr­ir­spurn þína kem­ur ekki fram hvort um sé að ræða einn styrk eða fleiri. Séu greiðslurn­ar reglu­bundn­ar eru ákveðnar lík­ur á því að skattyf­ir­völd skoði þær frek­ar sem skatt­skyld­ar tekj­ur en styrk. Þá skipt­ir ekki máli hver upp­hæð fjár­styrks­ins er, annaðhvort verður að greiða skatt af allri fjár­hæðinni eða ekki.


Hvort styrk­ur þessi falli und­ir und­an­tekn­ingu þessa eða ekki, er erfitt að segja til um. Það fer eft­ir því hvernig skattyf­ir­völd túlka þetta orðalag. Til þess að vera al­veg viss í ykk­ar gjörðum væri viss­ast að senda fyr­ir­spurn á skattyf­ir­völd og spyrja nán­ar út í þetta.


Þess má geta að þegar er­lend­ar milli­færsl­ur eru fram­kvæmd­ar þarf að greiða gjald sam­kvæmt gjald­skrá viðskipta­banka viðkom­andi.


Þrátt fyr­ir að gjald­eyr­is­höft­um hafi nán­ast verið aflétt, ber bönk­um að til­kynna um til­tek­in er­lend viðskipti og milli­færsl­ur til Seðlabanka Íslands. Get­ur bank­inn jafn­framt kallað eft­ir frek­ari upp­lýs­ing­um varðandi milli­færsl­una, sé þess þörf. 


Gangi ykk­ur vel,

Sæv­ar Þór Jóns­son, lögmaður/​MBA. 

Nýrri pistlar >

Vegferð ákæruvaldsins til skammar

17. janúar 2026
gær féll dómur í Héraðsdómi Reykjaness þar sem skjólstæðingur okkar var sýknaður af öllum ákærum. Málið er skýrt dæmi um hversu mikilvægt er að tryggja réttarríkið og réttláta málsmeðferð – einnig þegar ákæruvaldið ákveður að sækja mál sem voru fyrirséð að myndu ekki leiða til sakfellingar.  Lögmaður okkar, Sævar Þór Jónsson, lýsti því yfir að vegferð ákæruvaldsins hafi verið til skammar og gagn­rýnir harðlega ómarkviss vinnubrögð sem bitna ekki einungis á réttindum einstaklings heldur einnig á opinberu fé og trausti til kerfisins.  Réttlæti og fagleg nálgun skiptir máli. Við hjá Sævars Þórs & partners munum áfram standa vörð um rétt skjólstæðinga og tryggja að lög og réttur séu virt – í öllum málum. Lesa grein hér

Barn fékk ekki réttargæslu þrátt fyrir grun um ofbeldi

12. janúar 2026
Í nýlegri umfjöllun fjölmiðla kemur fram að barn, sem grunur lék á um ofbeldi í leikskóla, hafi ekki notið réttargæslu þrátt fyrir að skilyrði samkvæmt lögum virðist hafa verið til staðar. Málið varpar ljósi á mikilvægi þess að réttindi barna séu tryggð í framkvæmd, sérstaklega þegar þau koma að refsiverðum eða alvarlegum málum. Réttargæsla er lykilþáttur í því að tryggja réttláta málsmeðferð og vernd hagsmuna barnsins, bæði gagnvart kerfinu og öðrum aðilum. Hjá Lögfræðistofan Sævar Þór & Partners leggjum við áherslu á réttaröryggi barna og teljum brýnt að verklag í slíkum málum sé skýrt, samræmt og í fullu samræmi við lög og alþjóðlegar skuldbindingar Íslands. Fréttina má lesa hér

Hilma Ósk öðlast réttindi til að flytja mál fyrir héraðsdómi

22. desember 2025
Það er okkur sönn ánægja að tilkynna að Hilma Ósk Hilmarsdóttir, lögmaður hér hjá Sævar Þór & Partners, hefur fengið samþykkt prófmál fyrir héraðsdómi til að öðlast réttindi til að flytja mál fyrir héraðsdómi. Hilma Ósk lauk stúdentsprófi frá Framhaldsskólanum á Húsavík árið 2007, hún er með B.A-próf í lögfræði frá Háskólanum í Reykjavík 2017 og M.L í lögfræði frá sama skóla 2019. Hún hefur áður starfað m.a. hjá Kvennaskólanum í Reykjavík, Fangelsismálastofnun og sem laganemi hjá Rétti – Aðalsteinsson & Partners áður en hún hóf störf hjá Sævar Þór & Partners árið 2020. Við samstarfsfélagar hennar óskum henni innilega til hamingju með þennan áfanga.